تبين اهدومج تتزحلق عليج من النظـافه والنعومه والبيـاض

بسم الله الرحمن الرحيم

السلام هذا اول موضوع ينزل لي في هالمنتدى اتمنى يعجبكم
I love you

سمعيني كويتيه وخليجيه وعربيه شوفي طريقتي الخاااصه والخطيره للتنظيف والتسنفر والتفرك والنظااافه

اول شي غسلي شعرج عادي ولفيه

المرحلة الاولى
صابونة الغار والليفه الطبيعية ( للنظافة العميييقه)

وبعدين اخذي صابونة الغار تلاقونها بالجمعيات + الليفه الطبيعيه اللي بالحواي ( العطار)

ونقعيها في طشت صغير وماي حار ورغي الصابونه بالليفه وماي دافي فركي جسمج كله عدل مدل تفريك حلو ومحترم بس عاد مو تسحكينه تسحك في فرق بين التسحك والتفرك التفرك يكون الماي دااافي والصابون وااايد والتسحك الماي بارد والصابون مايرغي عرفتوا قصدي

بنات ترا هالطريقة تستاهل موضوع كااامل فيها لانها تنظف بشكل ووواااايد حلو

==================================

المرحلة الثانية
صابونة البابايا( للتبييض والتقشير)
اخذي صابونه البابايا وفركي فيها جسمج كله مع الوجه لحد ماتتكون رغوة ناشفه بيضه تصير مثل الطبقه البيضه
جنها كريم ناشف وخليها جم دقيقه على بشرتج يعني 3 او 4 دقايق وبعدين غسلي جسمج

وطبعاً صابونة البابايا ما تخفى عليكم تبييض ملحوووظ للجسم والوجه
=================================
المرحلة الثالثة
سنفرة المشمش( نظااافة وتقشير وازالة الجلد الميت)
بعد ما تغلسين جسمج من البابايا وجسمج رطب مسحي جسمج بسرعه باييدج من الماي بس بايدج وبعدين فركي سنفرة المشمش على جسمج كااامل و خليها دقيقه وبعدين ييبي الليفه المغربية السودة وخصصيها للسنفره بس وفركي فيها جسمج واهو عليه السنفره فركيه بالليفه
وبعدين غسلي جسمج

هالطريقة عجيبه تحسين بنظافه ما حصلتشي وتحسين الجلد نظيييف
=================================
المرحلة الرابعة
سنفرة العروسة ( تبيــــــض)

والحين بعد ما خلصنا من سنفرة المشمش اخذي الفوطه ونشفي جسمج عالسريع يعني موتنشيف كامل عالخفيف وحطي كريم العروسه على جسمج كااامل وخليه من 4 الى 5 دقايق وبعدين غسليه

وشوفي البيااض
================================
المرحلة الخامسة
الصابون المغربي (تبييض ونظافه)
والحين اخذي الصابون المغربي ومسحي فيه جسمج كله ودلكيه عالجسم عالخفيف وخليه دقايق وغسليه ( وهالطريقه مو حمام مغربي لا بس صابون مغربي بدون ليفه وتفريك )

طبعا يبيض وينظف عدل

المرحلة السادسه ( مومهمه الا للمتزوجات )
شور جل عالسريع يعني على الصدر والرقبه والايدين لان بعضهم ما يحبون تبقى فيهم ريحة أي صابون غير الصابون المعطر واستخدمي نوع خفيف مثل اللي للطفال انا شخصيا احاول اني ما استخدم هالمرحله لاني بتعطر بعدين

والحين نيي لمرحلة التنشيف والنعومه واللبس والتعطير

نشفي جسمج عدل مدل وحطي مسك العروس في اماكن النبض عندج مثل ورا الاذن على الرسغ وعالرقبه اشويه خفيف لانج توج متفركه وما تحتاجين عطور وايد والجلد نظيييف وخفيف وعطي ديودرنت وبسسسس

وبعدين اخذي كريم جولسليد او اتركس او جلسرين ودهني فيه ركبج وكوعج والارداف والايدين والريول وابتعدي عن كريمات اللي تكون معطره

ولبسي هدومج وعطريهم وتبخري ومشطي شعرج وبخريه

الااااااااااااااااااه

شوفي اشلون النظافه والنعومه

انا شخصياً احسن اني خفيفه ونظيفه وهدومي تتزحلق على من النظافه والنعومه

انا ما ابي اقولكم جم مره اسوي هالخطوات بالاسبوع اخاف تقولون مزيونه وشقره ما تطلع من الحمام خخخخخخخخخ او فيها هوووس نظافه مو طبيعي خلوني ساتره على نفسي احسن

انتوا سووها مره بالأسبوع عالاقل ولاتقولين لا مالي خلق ويبيلها طولة بال ووقت والا برد بالعكس سويها مره وحده وغصبي نفسج مره ثانيه بتلاقين الاستحمام ممتع وناسه وما تقدرين تستغنين عن هالطريقه

انطر رايكم وتجاربكم وردودكم

وما أبي غير دعواتكم لي ولعيالي

مع تحياتي يا حياتي

مزيونه وشقره

واااااي صج إهوا وااااايد شغلات نسويهم بس يبيله لازم نجرب..

والله يخليلج عيالج ويخليج لهم إنشاء الله..

وما أوصيج كتبيلنا التجارب الحلوه اللي سويتيهم فيدينا فيهم عاد ههههههههههههههه أوووووووووووووكي..

ناطرينج... Smile

والله نور المنتدي بمواضيع شقورتنا

يسلمووو خيتو على الموضوع
الروووووعه
[center][b]

تسلمين شقوره انتي وعيالش على الموضوع <<عجيب ويصلح للعرايس

بســـــــــــ احنا اهم من المتزوجات صح Laughing

لاتزعلووووووووووووون ومشكوووووره وان شالله ما نتعيجز عليهم

عدد الرسائل : 148 تاريخ التسجيل : 16/06/2007

مشكورة على المواضيع الروعة و عسى الله يخليلج تنومة و منورة لوووووووووووووووووول lol!

و مبروك على القصة اليديدة اتينن انشاء الله اقص مثله بالعيد لووووووووووول lol!