* تزعليــــن و تقـعديــــــن *

مـن أشعـار حـامـد زيـد

عافت الشمس المدينة وأعلنت وقـت الـزوال

رغبـةٍ للنـوم منهـا مـع عيـون الناعسيـن

أبعدت من يوم شافـت بالسمـا ضـيّ الهـلال

كنّهـا كانـت تهـزّا بالـهـلال وتستهـيـن

كفكفت صبح التلاقي مـن ورا روس الجبـال

واستخارتني وراحت وابعدت عن كـل عيـن

وانتي أخطيتي خطاهـا وانعزلتـي بالوصـال

ولا رحلتي من سكـات ولا وعدتينـي تجيـن

عشت عمري بالمحبة فـي سبيـل الاحتمـال

وانتي تعيشيـن عمـرك تفرحيـن وتجرحيـن

من غرورك في جمالك مـا عطيتينـي مجـال

وأدري إنـك تفهمينـي لـو بغيتـي تفهميـن

كيف أشوف الشمس تشرق بالسما وانت ظلال ؟

ومن يعيش بوسط غـارٍ للذيـاب الجايعيـن ؟

كنت أحسب الكره زايل والجفا لـو طـال زال

ولا بديتـي بالغـرام ولا بقـى فينـي حنيـن

أشهد إني مـا خطيـت ولا نويـت الانعـزال

وما خدعتك في غرامي ليـن شفتـك تخدعيـن

اصدقي بالوعد مـرة لـي ولـو فيهـا سـؤال

من عرفتك ما أذكر إنـك توعديـن وتصدقيـن

كنت أشوفك من عيونك تأمرين أقوى الرجـال

والله إني قبل أعرفـك مـا هقيتـك تخضعيـن

كنت أشوفك تبعدين وقلت مـن بـاب الـدلال

وإن بعدتي عن عيوني قلـت باكـر ترجعيـن

كنتي أكثر في عيوني من عـدد وبـل الخيـال

وين أنا ما الد وجهي كنت أشوفـك تضحكيـن

وإن بغيت أصد عنك من يميـن ومـن شمـال

ما قـوت عينـي تلفّـت لا شمـال ولا يميـن

عاشقٍ والعشق بلوى وأشهـد إن الحـال حـال

ولا تركتي رحمـة الله ولا عرفتـي ترحميـن

وأدري إنك في غرامي للأسـف نلتـي منـال

افترقنـا فـي دقايـق والسبـب لعنـة لعيـن

حبك أشبه في غرامـي بالوصـال الانفصـال

ويلعـب الخفـاق لعبـة كبريـاء الخاضعيـن

بالهوى ماهي غريبـة نكبـة عيـال الحـلال

ولاني أول من يصون ولا انتي آخر من يهيـن

الصداقة فـي عيـون النـاس منفـى للعـدال

وكـان ردّت للصراحـة كلبـونـا مذنبـيـن

المحبـة شبـه زالـت والصداقـة لاتــزال

بس أببقى في عيونك ( حامد ) اللـي تعرفيـن

علّميها يـا قصيـدة واضربـي فينـي مثـال

عرفيهـا بالبـداوة فـي طـبـاع الأولـيـن

علّميهـا كيـف نصنـع صبرنـا والاحتمـال

علّميهـا كيـف نفلـح بالعمـل دنيـا وديـن

علّميهـا فـي سوالـف حلّـنـا والارتـحـال

علّميهـا كيـف نظهـر جورنـا للجايـريـن

علّميهـا يـا دقايـق ، علّميهـا يــا لـيـال

علّميهـا يـا عصـور وعلّميهـا يـا سنيـن

إن عشقنا مـا بغينـا غيـر عشـقٍ بالحـلال

وإن نوينـا مـا لفينـا كـود نـاس طيبـيـن

كامليـنٍ فـي عطـانـا بــس لله الكـمـال

والرجل فينـا غرامـه لـو يعيـن ويستعيـن

ابـدويٍ مـا يقـوده للـردّى شـد الحـبـال

يعسف اليـدّ الشحيحـة للعطـا حتـى تليـن

همنا فعـل الرجولـة رمزنـا لبـس العقـال

وانتي المكياج كله صار فـي وجهـك سجيـن

عندك المكياج موضـة تحسبيـن إنـه جمـال

صار همك فـي حياتـك تكشخيـن وتطلعيـن

والا أنا قلبي بقـى لـي بالمحبـة راس مـال

والله اللـي مبتلينـي بالـهـوى والله يعـيـن

إن بغيت أعشق أبالقى كثـر حبّـات الرمـال

لكن انتي لو بغيتـي صعـب مثلـي تعشقيـن

قلت لك كل الصراحة وأختم أطـراف الجـدال

وإن زعلتي مـن كلامـي تزعليـن وتقعديـن

عدد الرسائل : 148 تاريخ التسجيل : 16/06/2007

صح لسانج يا بنت خالتي يا بعد عمري الشعر وااااااااااااااااااااايد حلو bounce

و الشمس شعر sunny

حياج الله

شكر شكرا شكرا شكرا شكرا

عالمجهوود الحلوو هذا ولو سمحتوو اسمحوولي لانقطاعي عن المنتدى ..
لضروفي وان شالله ما راح اطوولــ..

وانا احاول اني ادخل وارد عالمواضيع ,,

ويعطيش الف عافيه مره ثانيه عالشعر العجيب

وبس خلصت السالفه<<

والله اشتقنالج ياوحشة يا وحشه

ننطرج غلاتو

مشكورة يا اختي الغاليه

احبج احبج مووووووووووووت drunken

احم احم احم احم مدري شقوول
والله غصبن علي مو بيدي وانا احاول اني ادخل قد ما اقدر

ياا ام الوحشه والشوووق يا وحشه afro